زاتِ محمدؐ و علیؑ اصل ھے ایک نام دو
میکدۂ وجود میں بادہ ھے ایک جام دو
پشتِ رسولِؐ پاک پر جلوہ نما امام دو
مرکبِ خوش خرام ایک، راکبِ لالہ ٖفام دو
نورِِ جبینِ مصطفیؐ ،ظلمتِ گیسوئے دوتا
جلوہ گہِ حرم میں آج، صبح ھے ایک شام دو
غارِِ حرائے احمدی ،خمِ غدیری حیدری
مقصدِ فیضِ عام ایک ، منظرِ فیضِ عام دو
طور و جمالِ کبریا ، دوشِ نبی و مرتضیؑ
اھلِ نظر سے پوچھیے ، جلوہ ھے ایک بام دو
روئے علیؑ پہ اک نگاہ ، جانِ نگاہِ دیں پناہ
اھلِِ نظر نے لے لیے ، ایک نظر سے کام دو
سرخیٔ عارضِ چمن، شوخیٔ غازۂ شفق
خوب لیے حسینؑ نے، خونِ جگر سے کام دو